UNAWHZY APOHKHANA
Hlazy 133:1
Sep. 29 : Family Sunday/ Nov. 28 :Thanks Giving/ Dec. 8 : Church Election/ Dec. 25: Christmas/ January 1: New year
Sep. 29 : Family Sunday/ Nov. 28 :Thanks Giving/ Dec. 8 : Church Election/ Dec. 25: Christmas/ January 1: New year
Thati Chyupa
Khazopa ta Mara sawzy a chhithana latlô he a rôna ngaita, adaiti liatacha pahno thai awpa aru ngaitakaw typa chhao a cha. Achhapacha Mara chysa pahrana suh Khazôpata titlazy, shuhmohzy a daikaw pata mania pie taraw’pata Mara sawzy hlupi cha pina râh liata lohia leipata pahra thai leipata suh hropa nata râh hropala liata pai patlapa hawta pahrapa a cha. Myanmar rah sawkhana phaleipa vata achuna phapa chhao hneitheileina, chhôkha amôhôna chata rietheitu hawpa vata, sipasa riethei rairutu hawpa vata ‘phahnai vianala chha acha-aw vama’ tapata rah hlupi la liata sie papai pa a cha.
Mara sawzy khizaw kao hlopi lata sie papaipa a chapa hawta, USA Maryland liata avaw tlô pazy chata Khazôpa achy nawpa suh miakha rao pata Khazôpa achy awpata ryraopa a cha. Maryland vawtlo hmiatuana daiti liata Mara sawzy akaorao ngaita pata hmaokha tatah Khazôpa reithaipa acha. Cha no daiti liata Mara Community Church tapata hmaokhata Khazôpa reithai khopa a cha. Khazôpata Mara sawzy cha vawchhitha via lyma pata achysa chhao ahluviapa vata Khazôpa achyna ky liata Mara Evangelical Church of Maryland nata Mara Christian Bethel Church tapata February 13, 2013 (Mara Christian Church of America, Maryland) tawta a vawdua pata a nano tatah Khazôpa reithaita palyupalipa a cha.
Mara awnanopa cha Maryland, Georgia, Indianapolis, North Carolina zy liata adua hra hawpa acha vata state mia pa (4) pazy hmaokhata adua pata a zaona phapa tao lyma awpata parysapa acha vata “Mara Christian Bethel Church” tapa cha “Mara Christian Church of America, Maryland” tapata thlaipa a cha. Mara Christian Church of America, Maryland cha Khazopata byhna patosa lyma ta Achyna O cha;
1215 Old Camp Meade Rd,
Severn MD 21144
Khazopa achyna daiti
Saturday evening —- 07: 00 pm - 09: 00 pm
Sunday Worship Service —- 11: 00 am - 02: 00 pm
Church Pastor Alyna Bie
Mara Christian Church of America, Maryland Church Pastor chata hiapa cha, Lôcheipi Baptist Church, Thantlang Township, Chin State, Myanmar liata Pastor chakaona (1996-1998) hnei khai tawta, Ordination cha Baptist Association of Maraland ta February 8, 2005 liata piepa a cha. Associate General Secretary, Baptist Association of Maraland liata (2000-2005) chakaona hnei khai tawta, 2012 liata Mara Christian Fellowship, Malaysia liata Pastor chakaona a hnei. Executive Secretary of Evangelism and Mission Department of Chin Baptist Convention, Chin State, Myanmar (2013- 2019) liata chakaona a hnei. Chin Baptist Convention liata Term (2) chakaoana hnei khai tawta Mother Church a chapa Lôcheipi Baptist Church liata Church Pastor chakaona cha (2019 - 2022) hnei pazao pa acha.
Lôcheipi Baptist Church liata Church Pastor chakaona a hnei haina daiti liata MCCA MD tawta Church Pastor chata hiapacha Lôcheipa Baptist Church tawta khokheina hnei pata, Mara Christian Church of America, Maryland Church Pastor chata United States of America cha August 3, 2022 liata vawtlôpa a cha. Kypacha dychy chakaona rai hriatupa zydua hnota alyna bie hlah hmeiseipa a cha. Chakaona RAI liata pahlao tupa Khazopa Moh cha chhazawta reithei pata y maw se.
Khazôpa chhihthana byhna rôhna ngaitapa vata Mara Christian Church of America, Maryland cha adua pathaona tawta kô (10) a tlôh hawpa a cha. Chhithatu Khazopa Môh cha reithai pata y maw se. Mara Christian church of America kô (10) atlôhna athei tlana chata “MARA CHRISTIAN CHURCH OF AMERICA, MARYLAND THATI CHYUPA” rôna CHABU chhao he Church Pastor tawta patô patia ta rôhpa chata arei khopa mai chata pachhua panopa a cha. Khazôpa rônâna palasa thei naw’pa chata ngiapa phahnaita dychytu phapa Mara Christian Church of America, Maryland Awnanopa zydua hnota alybie rei nata chakaona zydua he Khazôpa ronâna chata cha maw se.
Rev. Dr. Za Biak
Church Pastor
MCCA MD
